Egon Bahr

Dr Egon Karl-Heinz Bahr (* 18. Merz 1922 z Treffurt; † 20. Augschte 2015 z Berlin) isch e dytsche Bolitiker (SPD) gsii. Unter em vu ihm bregt Laitgedanke „Wandel dur Aaneecherig“ isch er ain vu dr entschaidende Vordänker un wichtigschte Mitgstalter vu dr Oscht- un Dytschlandbolitik gsii, wu vu dr Regierig unter em Willy Brandt 1969/70 yyglaitet woren isch. Vu 1972 bis 1974 isch er Bundesminischter fir bsunderi Ufgabe gsii un vu 1974 bis 1976 Bundesminischter fir wirtschaftligi Zämmenarbet.